24 Oct 2016
Subscribe to:
Post Comments (Atom)
माझं शहर 'स्मार्ट' करायचंय..!
केंद्र सरकारने जाहीर केलेल्या 'स्मार्ट सिटी'च्या योजनेमध्ये निवडलेल्या 98 शहरांमध्ये नागपूरचाही समावेश आहे. यातून आता पहिल्या टप्प्यासाठी 20 शहरांची अंतिम यादी तयार केली जाणार आहे. यासाठीच्या निकषांमध्ये सर्वोत्तम गुण मिळवून नागपूरचाही समावेश व्हावा, यासाठी 'लोकसहभाग' हा अत्यंत कळीचा मुद्दा असणार आहे. आपल्या शहराचा आराखडा कसा असावा, यामध्ये आपल्या सूचनांना निश्चियतच महत्त्वाचे स्थान आहे. यासाठी आपण आपल्या सूचना, मते किंवा समस्या मांडाव्या.. याचा नागपूर शहराचा 'स्मार्ट' विकास करताना मदतच होणार आहे..
सध्या देशभरात स्मार्ट सिटीविषयी चर्चा सुरू आहे. एखादे शहर स्मार्ट होते म्हणजे नेमके काय घडते, असा प्रश्न त्यातून अनेकांना पडत असणार. स्मार्ट शहर घडणे म्हणजे त्या शहराचा सर्वार्थाने विकास होणे आणि तेथील नागरिकांचे जीवन सुखकर होणे. त्यासाठी जसे मोकळे रस्ते आणि प्रशस्त इमारती हव्यात, तसे सांस्कृतिक वातावरणही हवे. सर्व वयोगटांसाठी मनोरंजनाची साधने हवीत. रोजगार हवा. कायदा-सुव्यवस्था हवी. प्रशासन गतिमान आणि कार्यक्षम हवे आणि नागरिक जबाबदार व शहरावर प्रेम करणारे हवेत. नागपूरकर आपल्या शहरावर मनापासून प्रेम करतात. आपले शहर स्मार्ट सिटी म्हणून ओळखले जावे, असे प्रत्येक नागपूरकराला वाटते. पण, नागपूर खरोखर स्मार्ट व्हायचे असेल, तर प्रत्येकाने स्वतःपासून सुरुवात करायला हवी. त्यासाठी महापालिका प्रशासनातर्फे सुरू करण्यात आलेल्या मोहिमेला प्रतिसाद द्यायला हवा. कल्पना सुचवायला हव्यात. नागरिक आणि महापालिका प्रशासन यांच्यात दुवा म्हणून आणि प्रसंगी नागरिकांच्या मतांचा आग्रह महापालिकेपर्यंत पोचविण्याचे माध्यम म्हणून आपली भूमिका बजावण्याचे "सकाळ'ने ठरविले आहे. नागरिकांना स्मार्ट सिटी हवी म्हणजे नेमके काय हवे, हे जाणून घेण्यासाठी "सकाळ'ने "इंडियाज हार्ट, नागपूर स्मार्ट' ही मोहीम सुरू केली आहे. या मोहिमेंतर्गत सातत्याने स्मार्ट सिटीविषयीच्या घडामोडींचे वृत्तांकन करतानाच त्याबद्दल नागरिकांचे म्हणणे काय आहे, हे "सकाळ'मधून सांगितले जाईल. प्रत्येक नागरिकाने या मोहिमेत सहकार्य करावे आणि आपल्या सूचना, कल्पना "सकाळ'कडे पाठवाव्यात, ही नम्र विनंती.
सूचना व कल्पना फेसबुक पेजवर व व्हॉट्सऍपच्या माध्यमातून देता येतील. खालील पत्त्यावर लिहूनही पाठविता येतील. चला तर मग... आपण सगळे स्मार्ट सिटिझन्स होऊ या!
- फेसबुक पेजः Sakal Nagpur smartcity
- व्हॉट्सऍपः 9552747900
नागपूर हे ”नाग“ नामक सरितेच्या किनारी वसलेले असल्याने या शहरास नागपूर नांवाने ओळखल्या जाते. नागपूर व सभोवतालच्या क्षेत्रात सुध्द वैदीक व मौर्य शास्त्रामध्ये याबाबत उल्लेख आहे. नागपूर शहर, देवगडचे गोंड, राजा ”बख्त बुलंदशाहा“ यांनी सन 1703 मध्ये वसविले असून हया शहराला सुरूवातीला देवगडच्या गोंडराजाने प्रथमच राजधानीचा दर्जा दिला.
0 comments:
Post a Comment